பூக்கள் என்றால் எம் நினைவிற்கு வரும் ஒரே விடயம் அழகு. ஆனால் சில பூக்க உண்ணலாம். அவித்து பருகலாம். ஏன், சுவையான உணவுகளைக்கூட செய்யலாம். லைஃபி தமிழ் இன்று கொண்டுவந்த விடயம் என்னவென்றால், இங்கு குறிப்பிடப்படும் சில பூக்கள் பல நோய்களையும் குணப்படுத்தவல்லது. ஆனால் எந்த உணவும் அளவிற்கு மிஞ்சினால் மிகச் சிறந்ததல்ல என்பதால் அளவோடு பயன்படுத்திக்கொள்ளுங்கள்.
அகத்திப் பூ ஒம்லெட்
தேவையான பொருட்கள்
- அகத்திப் பூ – 1 கோப்பை
- முட்டை – 3
- வெட்டிய வெங்காயம் – 1
- உப்பு மற்றும் மிளகுத்தூள்
- வெட்டிய சில கறிவேப்பிலை
- மஞ்சள்தூள் – சிறிதளவு
- கட்டர் தூள் – சிறிதளவு
- வெட்டிய பச்சை மிளகாய் – 2
- வறுத்தெடுக்க எண்ணெய்
- அகத்திப்பூவை அங்கு கழுவி எடுத்த பின்னர் இதழ்களை தனித்தனியாக அகற்றவும். நடுவில் வெள்ளை நாரின் நடுவில் உள்ள பச்சை தண்டை அகற்றவும். ஏனென்றால் அது கசப்புத்தன்மை கொண்டது. இந்த இதழ்களை மெல்லியதாக நறுக்கிக் கொள்ளுங்கள். பின்னர் அதில் மஞ்சள் சேர்த்து பிரட்டிக்கொள்ளுங்கள்.
- முட்டைகளை உடைத்து உப்பு, பச்சை மிளகாய், வெங்காயம், கறிவேப்பிலை, மிளகுத்தூள், மஞ்சள் சேர்த்து பிரட்டிய அகத்தி பூவையும் சேர்த்து நன்கு கலக்கவும்.
- இப்போது பாத்திரத்தில் சிறிது எண்ணெய் சேர்த்து இந்த கலவையை ஊற்றி ஒம்லெட் செய்து எடுக்கவும்.
நில் கடரோலுப் பூ தேநீர்
தேவையான பொருட்கள்
- நீல கடரோலுப் பூ (சங்கு கன்னிக்கொடி பூ) – 5-6
- சுடு நீர் – 1 கோப்பை
- பூக்களை சூடான நீரில் போட்டு 5 நிமிடம் வேகவைக்கவும். விரும்பினால் உப்பு சேர்க்கவும். நீங்கள் ஒரு துளி எலுமிச்சை சாறு சேர்த்தால், இந்த தேநீரை ஊதா நிறமாக்கலாம்.
நீல கடரோலுப் பூ ஜெலி
தேவையான பொருட்கள்
- நீல கடரோலுப் பூக்கள் – 10-12
- அகர் – 3 மேசைக்கரண்டி
- சர்க்கரை – 3 மேசைக்கரண்டி
- கட்டிப் பால் – 1 கப்
- உப்பு
- பூக்களை அரை கப் தண்ணீரில் போட்டு கொதிக்க வைத்து, பூக்களை தண்ணீரில் வைத்து அதிலேயே நன்கு சாறு வரும் வரை பிழியவும்.
- ஒரு தனி பாத்திரத்தில் 2 கப் தண்ணீரை ஊற்றி, அதில் அகரை போட்டு சிறிது சர்க்கரை சேர்க்கவும். இதை நன்றாக கலக்கவும். பின்னர் அடுப்பில் தண்ணீரை வைத்து அந்த தண்ணீர் கொதிக்கும் போது, நீல நிற நீரைச் சேர்க்கவும்.
- அதில் 1 கப் கட்டிப்பால் சேர்த்து உப்பும் சற்று சேர்த்து கலக்கவும். கொதிக்கும்போது அடுப்பை நிறுத்தி விடவும். இப்போது இந்த கலவையை ஒரு கண்ணாடி கிண்ணத்தில் அல்லது ஜெல்லி அச்சுக்குள் வைத்து, குளிர்சாதன பெட்டியில் வைத்து சாப்பிடுங்கள்.
தாமரை இதழ் பகோரா
தேவையான பொருட்கள்
- தாமரை இதழ்கள் – 10-15
- முட்டை – 1
- உப்பு மற்றும் மிளகுத்தூள்
- மிளகாய்த்தூள் – 1/2 தேக்கரண்டி
- மஞ்சள்தூள் – 1/2 தேக்கரண்டி
- கோதுமை மா – 2 மேசைக்கரண்டி
- கடலை மா – 1 மேசைக்கரண்டி
- வறுத்தெடுக்க எண்ணெய்
- தாமரை பூவிதழ்களை நன்கு கழுவி உலர வைக்கவும். முட்டையை உடைத்து கோதுமை மா, கடலை மா, மிளகாய்த்தூள், மிளகுத்தூள், உப்பு, மஞ்சள் சேர்த்து கலக்கவும். இப்போது தாமரை இதழ் துண்டுகளை இந்த கலவையில் நனைத்து இளம்சூட்டில் பொரித்து எடுக்கவும்.
கொத்து செம்பருத்திப்பூ தேநீர்
தேவையான பொருட்கள்
- கழுவப்பட்ட செவ்வரத்தை பூ இதழ்கள் – ஒரு பிடியளவு
- குளிர் நீர்
- சுடு நீர்
- சர்க்கரை – சுவைக்கு ஏற்ப
- உப்பு – ஒரு பின்ச்
- எலுமிச்சை சாறு
- கச கசா
- மலர் இதழ்களை சுடுதண்ணீரில் போட்டு வேகவைக்கவும்.
- இதழ்களை ஒரு கரண்டியால் கலந்து நன்கு அந்த நீரை வடிகட்டி எடுக்கவும்.
- சர்க்கரையை அந்த நீரில் கரைக்கவும். சர்க்கரை கரைந்ததும், ஐஸ் தண்ணீரைச் சேர்த்து, சிறிது எலுமிச்சை சாறு மற்றும் உப்பை சுவைக்கேற்ப சேர்த்துக் கொள்ளவும். எலுமிச்சை சேர்த்தவுடன் ஒரு நல்ல நிறத்தை பெறலாம்.
- நீங்கள் விரும்பினால், தண்ணீரில் நனைத்த கச கசா மற்றும் ஐஸ் க்யூப்ஸ் சேர்க்கலாம்.
