இளைஞர்கள் விரும்பும் சூப்பர் காதலியாக எப்படி மாறுவெதென முன்னர் பேசியிருந்தோம். காதலிப்பது பெரிய விடயமல்ல. அதை தொடர்ந்தும் எடுத்துச் செல்வதுதான் முக்கியம். நாம் ஒருவருக்கொருவர் எண்ணங்களையும் விருப்பங்களையும் அடையாளம் கண்டு அவற்றுடன் இணக்கமாக செயற்பட வேண்டும். எனவே ஆண்கள் எதை விரும்புகிறார்கள், எதை விரும்பவில்லை என்பதை அறிந்துகொள்ள வேண்டும். அதனால்தான் இன்று ஆண்கள் விரும்பாத விஷயங்களைப் பற்றி பேசுகிறோம். தெரிந்தால் நீங்களும் அவற்றை சரிசெய்து கொள்ளலாம் தானே.
இரகசியத்தன்மை
காதல் உறவு எவ்வளவு வலுவானதாக இருந்தாலும், எந்தவொரு உறவிலும் அவ்வப்போது சிறிய மோதல்களும் சச்சரவுகளும் ஏற்படலாம். எனவே இந்த பிரச்சினைகள் எழும்போது, ஆண்கள் பொதுவாக கோபமடைந்து அமைதியாக இருப்பார்கள். ஆனால் பல பெண்கள் பிரச்சினையை சந்திக்கும்போது கோபமடைகிறார்கள். கோபமடைவது வருத்தமடைவது பரவாயில்லை என்று சொல்லலாம். ஆனால் அவர்கள் வருத்தமடைந்து, அதைப் பற்றி தங்கள் நெருங்கிய நண்பர்களிடம் கூறுகிறார்கள். பேஸ்புக்கில் சோகமான கதைகளை இடுகிறார்கள். எனவே இருவருக்கும் இடையே பிரச்சினைகள் உள்ளன என்பதை அனைவருக்கும் தெரியப்படுத்துகிறார்கள். ஆண்களுக்கு இவ்வாறான செயல்கள் பெரிதும் பிடிப்பதில்லை. அவர்கள் எப்போதும் அமைதியாக தம் பிரச்சினைகளை தமக்குள்ளேயே வைத்திருக்க முயற்சி செய்கிறார்கள். சிக்கலை தீர்க்க நேரத்தை தர அனுமதிக்கிறார்கள். எனவே, நாம் மேலே சொன்னது போல், நீங்களும் அப்படிப்பட்ட பிரச்சினைகள் ஏற்பட்டால் எல்லோரிடமும் கூறக்கூடிய காதலியாக இருப் அது உங்களது பிரச்சினைகளை அதிகரிக்கும்.
சுதந்திரம்
பெண்கள் வாழும் முறையும், ஆண்கள் வாழும் முறையும் முற்றிலும் வேறுபட்டவை. குறிப்பாக இலங்கை போன்ற ஆசிய நாட்டில் பெண்கள் உட்புற நடவடிக்கைகளில் மட்டுப்படுத்தப்பட்டவர்களாக வளரும்போது, பல ஆண் நண்பர்களுடன் வெளியே செல்ல ஆசைப்படுகிறார்கள். ஒருவருக்கொருவர் வெவ்வேறு அனுபவங்களை அனுபவிக்கிறார்கள். பெரும்பாலான பெற்றோர்கள் நினைக்கும் விதத்திற்கு ஏற்பவே இது முற்றிலும் மாறுபட்டது. இது சரியோ தவறோ என்று பேசவரவில்லை. இருப்பினும், இது வழக்கமாக இருக்கின்றது. எனவே உங்கள் காதலனை வெளியே செல்ல வேண்டாம், அதைச் செய்யக்கூடாது, இதைச் செய்யக்கூடாது, அவர் நண்பர்களோடுகூட வெளியே செல்ல வேண்டாம் என்றெல்லாம் சொல்வது ஒரு கெட்ட பழக்கம். ஏனென்றால், நீங்கள் சொல்வதைச் செய்ய அவர் உங்களிடம் வைத்திருக்கும் அன்பின் காரணமாக, அவரது வாழ்க்கையின் சுதந்திரத்தை இழக்கிறார் என்று அவர் எண்ணக்கூடும்.
மாற்றம்
நிறைய பெண்கள் செய்யும் மற்றொரு தவறு இதுவாகும். பெண்கள் தாங்கள் விரும்பும் ஒரு ஆணை அவர்களுக்கு விரும்பும் வகையில் மாற்ற முயற்சிக்கிறார்கள். ஆனால் அது எண்ணமாக இருக்கக்கூடாது. நீங்கள் இருவரும் ஒருவருக்கொருவர் புரிந்துகொண்டு ஒருவரது ஆசைகளை மற்றவர் மதிக்க வேண்டும். அவர்களுக்கு தடையாக இருக்கக்கூடாது என்பதற்காக அவரது சொந்த வாழ்க்கையை வாழ விட வேண்டும். இல்லையெனில், ஒரு நபர் மற்றவர் விரும்பும் விதத்தில் மாறினாலும், பின்னர் அதனால் பிரச்சினைகள் ஏற்படலாம்.
நெருங்கிய தொடர்பு
ஒரு ஆணும் பெண்ணும் காதலிக்கின்றனர் என்பதற்காக, அந்த பெண் சமுதாயத்தில் எந்தவொரு ஆணுடனும் தொடர்பு கொள்ளக்கூடாது என்ற பிராமண சித்தாந்தம் இன்றும் பயனற்றது. சமுதாயத்தை எதிர்கொண்டு வாழும்போது, ஒருவர் தனது தனிப்பட்ட வாழ்க்கையை ஒதுக்கி வைத்துவிட்டுத, தான் வாழும் சூழலுக்கு ஏற்ப நடந்து கொள்ள வேண்டும். மற்றவர்களிடம் நீங்கள் வழங்கும் உதவியுடன் நீங்கள் அதிக பாகுபாடு காட்ட வேண்டும். அதிஷ்டவசமாக இப்போதெல்லாம் ஆண்கள் அவ்வாறான பழைய கால முட்டாள்தனத்தை கடைபிடிப்பதில்லை. ஆனால் அவற்றை சரியாக புரிந்து கொண்டு சமூகத்தில் உள்ள அனைவருடனும் அவசியமான விஷயங்களில் நன்றாக நடந்துகொள்வதும், ஒவ்வொரு ஆணுடனும் தனிப்பட்ட முறையில் தொடர்புகளை குறைத்துக்கொள்வதும், பெரும்பாலும் தவிர்த்துக்கொள்வதும் மிகவும் நன்று. இதைத்தான் பல ஆண்களும் தத்தமது காதலியிடமோ அல்லது பெண்களிடமோ விரும்புகின்றனர்.
ஆசைகளை புறந்தள்ளுதல்
இரு வெவ்வேறு வீடுகளில், இரு வெவ்வேறு சமூக நிலைமைகளில் வளர்ந்த இவர்கள் பெரும்பாலும் வெவ்வேறு ஆசைகளைக் கொண்டவர்களாகத்தான் இருப்பார்கள். எனவே நீங்கள் விரும்பியதை எப்போதும் செய்ய, நீங்கள் விரும்பும் பரிசுகளை மட்டுமே அவருக்கு வழங்க நினைக்க வேண்டாம். சிறிது காலம் இருவரும் இணைந்திருக்கும்போது, அவர் விரும்புவதையும் விரும்பாததையும் பற்றி புரிந்து கொள்ள முயற்சிக்கவும்.
வெட்கம்
நீங்கள் ஒரு பெண்ணாக இருக்கும்போது எல்லா விடயத்திற்கு விரைந்து செல்லாமல் சிறிதளவு கூச்ச சுபாவத்தை வெளிக்காட்ட வேண்டும் என பெரும்பலானா ஆண்கள் விரும்புகின்றனர். எமது சமுதாய கட்டமைப்பு அவ்வாறு மாற்றிவைத்துள்ளது. ஆனால் சில விடயங்கள் வேண்டுமென கூறுவதற்கு வெட்கப்படுவது இதற்குள் அடங்காது. அதை பயம் என்றுதான் சொல்வார்கள். அப்படி தேவைக்கு அதிகமாக பயப்படவும் கூச்சப்படவும் கூடாது. குறிப்பாக காதலன் முன் பெண்கள் பெண்ணாக வெளிப்படுவதை ஆண்கள் விரும்புகிறார்கள். ஆனால் எல்லாவற்றிலும் முந்தானைக்கு பின்னால் ஒளிந்து கொள்ளும் பெண்களை ஆண்கள் விரும்புவதில்லை.
தன்னம்பிக்கை
பெண்கள் சுதந்திரமாக இருக்க வேண்டும் என்பது நம்மில் பலரும் அறிந்த விடயம். இன்றைய போட்டி மனப்பாங்குமிக்க சமுதாயத்தில் அது மிகவும் முக்கியமானது. ஆனால் வாழ்க்கையின் ஒவ்வொரு அம்சத்திலும், உங்கள் துணையின் (ஆணின்) உதவி உங்களுக்குத் தேவையில்லை என்று நீங்கள் உணரும்போதுகூட இது சற்று குழப்பமாக இருக்கும். நீங்கள் சொந்தமாகச் செய்ய முடியும் என்ற நம்பிக்கையுடன் உங்கள் காதலரிடமிருந்து ஒரு சிறிய உதவியைப் பெற்று, உங்களுக்கு அவர் தேவை என்பதை அவருக்குத் தெரியப்படுத்துங்கள். அல்லது உங்கள் வாழ்க்கையில் தனக்கு இடமில்லை என்று அவர் உணரக்கூடும்.
