இரண்டாம் உலகப் போரின்போது இழந்த அரிய கலைப் படைப்புகள்

 

இரண்டாம் உலகப் போரின்போது மில்லியன் கணக்கான உயிர்கள் காவுகொள்ளப்பட்டன. இது மனிதகுலத்திற்கு எதிராக இதுவரை நடத்தப்பட்ட மிக அழிவுகரமான யுத்தமாகும். இரண்டாம் உலகப் போர் மனிதகுலத்திற்கு பெரும் பின்னடைவாக இருந்தது. ஆயுதத் துறையில் மாத்திரமே அப்போது முன்னேற்றம் காணப்பட்டது. இன்று நாம் இரண்டாம் உலகப் போரைப் பற்றி பேசப்படாத ஒரு விடயத்தையே இன்று உங்களுக்காக கொண்டுவந்துள்ளோம். அதாவது இரண்டாம் உலகப்போரின் விளைவாக மனித வர்க்கம் இழந்த மிக அரிய, பெறுமதிமிக்க கலைப்படைப்புகள் தொடர்பாக இன்று பார்ப்போம்.

 

அம்பர் அறை – (Jacob Jordanes)

ரஷ்யாவில் உள்ள கேத்தரின் அரண்மனையில் உள்ள ஒரு அறை உலகப் புகழ் பெற்றது. இந்த அறை தங்கத்தால் அலங்கரிக்கப்பட்டு ஜேர்மன் கைவினைஞர்களால் அம்பரினால் செய்யப்பட்டிருந்தது. இந்த வடிவமைப்பு, பாரசீக மன்னர் ஜார் வழங்கிய பரிசாகும். பின்னர் நாஜி இராணுவத்தால் சூறையாடப்பட்டது. இரண்டாம் உலகப் போரில் ரஷ்யாவுக்கு எதிரான வெற்றியைக் கொண்டாடுவதற்காக அவர்கள் அந்த அறையை முற்றிலுமாக அகற்றி ஜெர்மனிக்கு மாற்றினர். ஆனால் அதன் பின்னர் இந்த வடிவமைப்பிற்கு என்ன ஆனதென யாருக்கும் தெரியாது.

 

இளைஞனின் உருவப்படம் – ரபேல் (The Portrait of a young man – Raphael) 

பிரபல இத்தாலிய கலைஞரான ரபேல் என்பவரால் உருவாக்கப்பட்ட இந்த ஓவியம் போலந்தின் பணக்காரர்களில் ஒருவரின் கலைத் தொகுப்பில் முன்னணியில் இருந்தது. இருப்பினும், போலந்து படையெடுப்பிற்குப் பிறகு, நாஜி இராணுவம் இடைவிடாமல் நாட்டை சூறையாடி ஜெர்மனிக்கு கொண்டு சென்றது. இறுதியில் நடந்தது என்னவென்றால், இந்த படைப்பை மனிதகுலம் இழந்துவிட்டது.

 

வின்சென்ட் வான் கோக் (Painter on His Way to Work – Vincent Van Gogh)

வின்சென்ட் வான் கோவின் இந்த தனித்துவமான ஓவியத்தை கலை ஆர்வலர்களும் கலை விமர்சகர்களும் மிகச்சிறந்த படைப்புகளில் ஒன்றென பாராட்டினர். நாஜிகளால் சூறையாடப்பட்ட இந்த கலைப்படைப்பு இறுதியில் நேச நாட்டுப் படைகளின் குண்டுவெடிப்பால் அழிக்கப்பட்டது.

 

குழந்தையுடன் மடோனா (ஜியோவானி பெலினி) (Madonna with the Child – Giovanni Bellini)

ஜியோவானி பெலினி தனது கலை வாழ்க்கையில் மிகச்சிறந்த ஓவியங்களில் ஒன்றாகக் கருதப்பட்ட இந்த கலைப்படைப்பு, நேச நாட்டு குண்டுவெடிப்புகளிலிருந்து பாதுகாத்துக் கொள்வதற்காக ஜெர்மனியில் உள்ள ஒவ்வொரு அருங்காட்சியகத்திலிருந்தும் மற்றொரு அருங்காட்சியகத்திற்கு மாற்றப்பட்டது. இருப்பினும், இரண்டாம் உலகப் போரின் இறுதியில் ஜெர்மனி, நேச நாட்டுப் படைகளிடம் சரணடைந்தது. ஆனால் அதன் பிறகு இந்த படத்திற்கு என்ன ஆனதென்பது இன்னும் தீர்க்கப்படாத மர்மமாகும்.

 

புனித அந்தோனியின் சோதனை – லூகாஸ் கிரானச் மூத்தவர் (The Temptation of St. Anthony – Lucas Cranach the Elder)

இந்த மரச் செதுக்குதல் ஒரு மூத்த மரச் செதுக்குபவரான லூகாஸ் கார்னாக் என்பவரால் வடிவமைக்கப்பட்டது. இது நூற்றாண்டின் மிகப் பெரிய படைப்புகளில் ஒன்றாகக் கருதப்படுகிறது. புனித அந்தோனியின் வாழ்க்கை தொடர்பான பல விஷயங்களை இந்த சிற்பத்தால் அடையாளப்படுத்த முடிந்தது. இந்த விலைமதிப்பற்ற வடிவமைப்பு பல நூற்றாண்டுகளாக ஜேக்கப் கார்பன் குடும்பத்தின் மூதாதையர் வீட்டில் பாதுகாக்கப்பட்டது. நாஜி ஜெர்மனியால் கடத்தப்பட்ட இந்த வடிவமைப்பு, இரண்டாம் உலகப் போரின் தீப்பிழம்புகளில் இலக்காகி அழிவுக்குள்ளானது.

 

அறிவிப்பு – ஜேக்கப் ஜோர்டான்ஸ் (The Annunciation – Jacob Jordanes)

ஜேக்கப் ஜோர்டான்ஸால் உருவாக்கப்பட்ட இந்த கண்கவர் ஓவியம் லார்ட்ஸ் மியூசியத்தின் தொகுப்பில் மிகவும் விரும்பப்பட்ட ஓவியங்களில் ஒன்றாக காணப்படுகின்றது. லார்ட்ஸைக் கைப்பற்றிய பின்னர், அருங்காட்சியகத்தை நிர்வகிக்க ஜெர்மன் இராணுவம் பல ஜெர்மன் அறிஞர்களை நியமித்தது. இந்த அருங்காட்சியகத்தில் உள்ள அனைத்து கலைப்பொருட்களையும் ஜெர்மனிக்கு கொண்டு செல்ல முடிவு செய்தனர். ஆனால் நாம் முன்னர் குறிப்பிட்ட கலைப் படைப்புகளைப் போலவே, இந்த படைப்பும் ஜெர்மனியில் ஒரு குறுகிய காலம் மட்டுமே நீடிக்க முடிந்தது.

 

டயானா மற்றும் கலிஸ்டோ – பீட்டர் போல் ரூபன் (Diana and Calisto – Peter Paul Ruben)

இரண்டாம் உலகப் போர் வெடிப்பதற்கு முன்பே, ஜெர்மனி ஒன்றிணைவதற்கு முன்பே, பாரசீகர்கள் போலந்து மீது விரோத மனப்பான்மையைக் கொண்டிருந்தனர். இதன் காரணமாக, பாரசீகர்கள் குழுவொன்று போலந்து நட்பு சங்கத்தை உருவாக்கியது. அந்த சங்க தலைமையகத்திற்கு ரூபன் உருவாக்கிய இந்த சிறந்த ஓவியத்தை பயன்படுத்த முடிவு செய்தனர். இருப்பினும், இந்த படைப்புக்கு என்ன ஆனதென்ற கேள்வியுடன் இரண்டாம் உலகப் போர் முடிந்தது.