ஒரே மாதிரியான இனிப்பு வகைகளை செய்து அலுத்துப் போயிருந்தால் எங்களுடன் சேர்ந்து இந்தியன் ஸ்டைலில் சில இனிப்புகளை செய்து பாருங்கள். வீட்டிற்கு வரும் உறவினர்களுக்கு இவ்வாறு செய்து கொடுத்தால் வித்தியாசத்தை உணர்வார்கள். அத்தோடு, மனதும் நிறைவடையும்.
தேங்காய் லட்டு
தேவையான பொருட்கள்
- நெய் – 1 மேசைக்கரண்டி
- துருவி வறுத்த தேங்காய் – 200 கிராம்
- மில்க்மேட் – 180 மில்லிலீற்றர்
- பால் – 60 மில்லிலீற்றர்
- ஒரு பேனில் நெய் ஊற்றி அது சூடாகும் போது, துருவி வறுத்த தேங்காயைச் சேர்த்து குறைந்த சூட்டில் வறுக்கவும்.
- இளஞ்சிவப்பு நிறத்திற்கு வந்ததும், அதில் சிறிது மில்க்மெய்ட் சேர்க்கவும். இது நன்கு கலந்ததும், சிறிது பால் சேர்க்கவும்.
- நன்கு கிளறிய கலவை கெட்டியாகும்போது அடுப்பை அணைக்கவும்.
- இதை ஒரு பாத்திரத்தில் போட்டு சிறிது நேரம் ஆற வைக்கவும். சிறிய உருண்டைகளாக உருவாக்குங்கள். அதுதான் லட்டு.
- அவ்வாறு தயாரிக்கப்பட்ட லட்டுகளை வேறாக எடுத்து வைக்கப்பட்ட 100 கிராம் துருவி வறுத்த தேங்காயில் தனித்தனியாக பிரட்டி எடுக்கவும்.
மில்க் பவுடர் பர்ஃபி
தேவையான பொருட்கள்
- நெய் – 1/4 கப்
- பால் – 120 மில்லி
- பால் பவுடர் – 250 கிராம்
- ஐசிங் சர்க்கரை – 40 கிராம்
- நறுக்கிய பாதாம் மற்றும் பிஸ்தா கொட்டைகள்
- ஒரு தட்டில் பட்டர் தடவி வைக்கவும்.
- அடுப்பில் ஒரு பேனை வைத்து சிறிது நெய்யையும் சேர்த்து வைக்கவும். அது சூடாகும்போது சிறிது பால் சேர்க்கவும்.
- நன்றாக கரண்டி போட்டு கிளறவும். அத்தோடு சிறிது பால் பவுடர் சேர்க்கவும். ஒரேயடியாக சேர்க்காமல் சிறிது சிறிதாக சேர்க்க வேண்டும்.
- அப்படிச் செய்தால் கட்டி கட்டியாக இருக்காது. ஒரு இறுக்கமான பேஸ்ட் வரும் வரை சுமார் 5 நிமிடங்கள் கிளறவும்.
- அந்த கட்டியான பதார்த்தம் கீழே ஒட்டும்போது ஐசிங் சர்க்கரையைச் சேர்க்கவும். மீண்டும் 5 நிமிடங்கள் கிளறவும். இப்போது அது ஒரு உருண்டை உருண்டையாக வரும்போது, அதை அடுப்பிலிருந்து இறக்கவும்.
- அதை ஒரு தட்டில் வைத்து மெல்லியதாக பரப்பி வைக்கவும். சில நறுக்கிய பாதாம் மற்றும் பிஸ்தாவை மேலே தெளிக்கவும். ஒரு மணி நேரம் குளிர்சாதன பெட்டியில் வைத்து துண்டுகளாக வெட்டவும்.
ஃப்ரூட் கஸ்டர்ட்
தேவையான பொருட்கள்
- பால் – 480 மில்லி
- கஸ்டார்ட் பவுடர் – 3 தேக்கரண்டி
- சர்க்கரை – 50 கிராம்
- நறுக்கிய மாம்பழம் – 1/2 கப்
- ஒரு சிறிய மாதுளை விதைகள்
- நறுக்கப்பட்ட ஸ்ட்ரோபெர்ரி
- உறைந்த புளுபெர்ரி
- சில நறுக்கப்பட்ட திராட்சை
- நறுக்கிய வாழைப்பழங்கள் – 1
- கஸ்டர்ட் பவுடரை குளிர் பாலில் கரைக்கவும்.
- பாலை 480 மில்லி பாத்திரத்தில் ஊற்றி அடுப்பில் வைக்கவும். சிறிது சர்க்கரை சேர்த்து கரையும் வரை கிளறவும்.
- இப்போது கரைத்த கஸ்டர்டை அதில் சேர்க்கவும். மேலும் 4 நிமிடங்கள் கிளறவும். கஸ்டர்ட் கட்டியாகும்போது, அடுப்பிலிருந்து அகற்றவும்.
- நறுக்கிய அனைத்து பழங்களையும் கஸ்டர்டுடன் கலந்து ஒரு கிளாஸில் போட்டு குளிர்சாதன பெட்டியில் வைக்கவும்.
ரசகுல்லா
தேவையான பொருட்கள்
- பால் – 1 கப்
- எழுமிச்சை சாறு
- சர்க்கரை – 1 கப்
- பாலை சூடாக்கி அதில் சிறிது எலுமிச்சை சாறு சேர்க்கவும். பால் உறைந்து வரும்.
- ஒரு மஸ்லின் துணியை எடுத்து, பாலை வடிகட்டவும், இன்னும் சிறிது நீர் சேர்த்து பால் கட்டியை உருவாக்கவும். நீரை நன்றாக கசக்கி பிழிந்து எடுத்து விடுங்கள்.
- ஒரே துணியில் 30 நிமிடங்கள் போர்த்தி நீக்கவும். இப்போது இந்த பாலை மென்மையான பந்தாக உருவாக்கவும். அதிலிருந்து சிறிய உருண்டைகளை உருவாக்குங்கள்.
- ஒரு தனி கிண்ணத்தில், ஒரு கப் நீரை சிறிது சர்க்கரையுடன் சேர்த்து சூடாக்கவும். 10 நிமிடங்கள் கொதிக்க வைத்து அந்த உருண்டைகளை அதில் சேர்க்கவும்.
- இதை சர்க்கரை சிரப்பில் 15 நிமிடங்கள் வேகவைக்கவும்.
குலாப் ஜாமுன்
தேவையான பொருட்கள்
- பால் பவுடர் – 2 கப்
- கோதுமை மா – 4 தேக்கரண்டி
- ரவை – 4 தேக்கரண்டி
- முட்டை – 1
- பேக்கிங் பவுடர் – 4 தேக்கரண்டி
சர்க்கரை பாகு
- சர்க்கரை – 2 கப்
- இலவங்கப்பட்டை – ஒரு துண்டு
- நீர் – 2 கப்
- ஏலக்காய் – 1
- முட்டையை நன்றாக அடிக்கவும். பின்னர் கோதுமை மா, ரவை மற்றும் பால் பவுடர் கலந்து அடித்த முட்டையில் சேர்க்கவும். கட்டியான பதார்த்தத்திற்கு சிறிது பால் சேர்க்கவும்.
- கலவையை செய்து சிறிய உருண்டைகளை உருவாக்கவும்.
- ஒரு கடாயில் எண்ணெய் ஊற்றி இந்த உருண்டைகளை குறைந்த வெப்பத்தில் பொரித்து எடுக்கவும்.
- சர்க்கரை பாகுக்கு தேவையான அனைத்துப் பொருட்களையும் ஒரு பாத்திரத்தில் போட்டு, நன்றாக சூடாக்கி, பிறகு அதில் குலாப் ஜாமூனை போடவும்.