உலகின் புகழ்பெற்ற ஒரு நாட்டிற்குள் மக்கள் இருந்தால் மட்டும் போதாது. அதற்குள் தனித்துவமான உயிரினங்கள் இருப்பதும் அவசியம். நாம் விலங்குகளைப் பற்றி பேசினால், இந்த விலங்கு உண்மையில் அந்த நாட்டில் இருக்கிறதா இல்லையா என்ற தலைப்பு தேவையானதாக இருந்தாலும், ஒருவேளை அந்த விலங்குகள் அந்த நாட்டிற்கு மாத்திரம் தனித்துவமானவையாக இருப்பதில்லை. ஆனால் சில உயிரினங்களின் பெயரை சொல்லும்போதே சில நாடுகளின் பெயர் எமது எண்ணத்திற்குள் சட்டென தோன்றிச் செல்லக்கூடும். இதுபோன்ற சில நாடுகளைப் பற்றி இன்று பார்ப்போம். அதாவது விலங்குகளால் பெயர்போன நாடுகள்.
நியூசிலாந்து – கிவி பறவை
கிவி பறவை நியூசிலாந்தின் தேசிய பறவை. இது நியூசிலாந்தின் அதிகாரப்பூர்வமற்ற தேசிய அடையாளமாகவும் அங்கீகரிக்கப்பட்டுள்ளது. உண்மையில் சொல்லப்போனால், உலகில் உள்ள அழகான பறவைகளிடத்தில் இது ஒரு அசிங்கமான பறவை என்பர். ஆனால் இப்போது இவை அழிந்துபோகும் பறவைகள் எனும் அச்சுறுத்தலுக்கு உள்ளாகியுள்ளது. எனவே, இந்த பறவைகளை பாதுகாப்பதில் நியூசிலாந்து அரசு உறுதிபூண்டுள்ளது. இந்த பறவையின் வடிவம் சிறிய கம்பளி பந்து போன்றது. பறவையாக இருந்தாலும் பறக்க முடியாது. கிவி பறவைகளில் பல வகைகள் உள்ளன. அவை பழுப்பு மற்றும் சாம்பல் உள்ளிட்ட பல வண்ணங்களில் இருக்கின்றன.
மொரிஷியஸ் தீவுகள் – டோடோ பறவை
உலகில் இருந்து அழிந்து போன போதிலும், உண்மையில் இந்த பறவை இல்லாமல் இன்றும் சுற்றுலாப் பயணிகளை ஈர்க்கும் ஒரு தீவைப் பற்றி அதிகம் பேச முடியாது. மனித வளங்களின் விருத்தியே டோடோ பறவையின் அழிவுக்கு காரணமாக அமைந்தது. யாரிடமிருந்தும் எந்த பிரச்சனையும் இல்லாமல் முழு வாழ்க்கையிலும் அப்பாவியாக இருந்த இந்த பறவைகளுக்கு தலையிடியாக மக்கள் வர ஆரம்பித்தனர். இவற்றின் வாழ்க்கைச் சூழலில் இருந்த பயிர்கள் அழிக்கப்பட்டன. மேலும் இவற்றை மனிதர்கள் வேட்டையாடினர். அது மட்டுமல்லாமல், கப்பல்களின் வருகையை தொடர்ந்து குரங்குகள், எலிகள் போன்ற எரிச்சலூட்டும் விலங்குகளும் தரையிறங்க ஆரம்பித்தன. இவை டோடோ பறவைகளின் குஞ்சுகளை இரையாக சாப்பிடவும் ஆரம்பித்தன.
சீனா – பண்டா
சீனா என்ற பெயரை கூறும்போது குங் பூ பண்டா படம் நினைவுக்கு வருவதில் தவறேதும் இல்லை. சீனாவுக்குச் சொந்தமான இந்த அழகான விலங்கு உலக வனவிலங்கு நிதியத்தின் சின்னமாக மாறியுள்ளது. இபை பெரும்பாலும் மூங்கில் காடுகளில் மட்டுமே வாழ்கின்றன. சீனா தனது இந்த அன்புக்குரிய விலங்கைக் காப்பாற்ற கடுமையாக செயற்படுகின்றது. இந்த விலங்கின் மதிப்பை சீனாவுக்கு அளவிடக்கூடிய ஒரு கருத்ததே பண்டா ஜனநாயகம் என்ற வார்த்தையாகும். இராஜதந்திர உறவுகளில் சீனா ஒரு குட்டி பண்டாவை மற்றொரு நாட்டிற்கு பரிசாக வழங்கப்படுகிறது.
அவுஸ்திரேலியா – கங்காரு
அவுஸ்திரேலியாவின் தேசிய விலங்கு கங்காரு ஆகும். இந்த விலங்கு அவுஸ்திரேலியாவில் பல வழிகளில் பிரதிபலிக்கிறது என்பதை நாம் காணலாம். ஒன்று, இவை நாணயங்கள் மற்றும் ரூபாய் நோட்டுகளில் குறிப்பிடப்பட்டுள்ளது. மற்ற சுற்றுலாத் துறை தொடர்பான ஒவ்வொரு நிகழ்விலும் கங்காரு குறிப்பிடப்பட்டுள்ளது. கங்காரு அவுஸ்திரேலியாவின் அதிகாரப்பூர்வ சின்னத்தில்கூட இடம்பெற்றுள்ளது. இந்த நாட்டின் ரஃக்பி அணி உலகம் முழுவதும் “வாலபீஸ்” என்று அழைக்கப்படுகிறது. வால்வரின்கள் கங்காரு இனக்குடும்பத்தில் ஒரு அங்கமாகும்.
இந்தியா – வங்காள புலி
KAAL திரைப்படத்தைப் பார்த்தவர்களுக்கு இந்த புலிக்கும் இந்தியாவுக்கும் உள்ள உறவு பற்றி புதிதாக எதுவும் சொல்லத் தேவையில்லை. இந்தியாவின் பின்னணியில் எழுதப்பட்ட ‘ஜங்கிள் புக்’ என்ற புத்தகத்தில்கூட ஒரு வங்காள புலிதான் அந்த சிறுவனுடன் தொடர்பு கொள்கிறது. பூனை குடும்பத்தின் மற்ற உறுப்பினர்களுடன் ஒப்பிடும்போது, வங்காள புலி ஒரு வித்தியாசமான தீவிர ஆளுமை கொண்டது. இதுவே இந்தியாவின் தேசிய விலங்காக மாற போதுமானது. ஆனால் இதுவும் அழிந்துபோகும் உயிரின அச்சுறுத்தலுக்கு உள்ளாகியுள்ளது. இதற்கு நிறைய காரணங்கள் உள்ளன. சதுப்புநில சூழலில் வாழும் விலங்குகள் சுற்றுச்சூழல் மாற்றங்களால் பிரச்சினைகளை எதிர்கொள்கின்றன. மற்றொன்று தடைசெய்யப்பட்ட வணிக நோக்கங்களுக்காக வேட்டையாடப்படுகிறது. எல்லாவற்றிற்கும் மேலாக, நம் நாட்டில் மனித-யானை குழப்பத்தை போல ஒன்று இந்தியாவிலும் மக்களுக்கும் புலிகளுக்கும் இடையே உள்ளது.
ஸ்பெயின் – காளைமாடு
தன் நாட்டின் தேசிய மிருகத்தை பசியுடன் அனுப்பும் வேறு எந்த நாடும் உலகில் இருப்பதாக எமக்கு தெரியவில்லை. காளை மாடு இந்த நாட்டின் தேசிய விலங்கு. காளைச் சண்டைக்கு அல்லது ஜல்லிக்கட்டு போன்ற ஒத்ததொரு சண்டைக்கு ஸ்பெயின் நன்கு அறியப்பட்டிருக்கிறது. இது அந்நாட்டின் கலாசாரத்தின் ஒரு பகுதியாக பழங்காலத்தில் இருந்து நடந்து வருகின்றது. இதன் காரணமாகவே அந்நாட்டு மக்கள் கருத்துக்களின் அடிப்படையில் பிரிக்கப்பட்டுள்ளனர். சிலர் தங்கள் தேசிய விலங்கினை இந்த மாதிரியான பயன்பாட்டிற்கு எதிர்க்கின்றனர். மற்றவர்கள் காளை மற்றும் இந்த மல்யுத்தம் இல்லாமல் ஸ்பெயின் வெறும் முட்டாள்தனமாக இருக்கும் என்றும் கூறுகிறார்கள்.
ஒட்டகம் – ஐக்கிய அரபு இராஜ்ஜியம்
ஒட்டகம் இந்த நாட்டின் தேசிய விலங்கு என்று பலர் நினைக்கிறார்கள். ஆனால் அவ்வாறு இல்லை. இந்நாட்டின் தேசிய விலங்கு ஓரிக்ஸ் ஆகும். இருப்பினும், ஒட்டகம்தான் அதன் இடத்தைப் பிடித்தது. அதற்கு காரணமாக நாம் சிறு வயதிலிருந்தே கேள்விப்பட்ட வாய்மூலகதைகள் காரணமாக இருக்கலாம். நாங்கள் அரபு நாடுகள் என்று சொல்லும்போது, பாலைவன நிழலும் அதில் செல்லும் ஒட்டகங்களையும்தான் நினைவில் கொள்கிறோம். அரபு நாடுகளில் திரைப்படக்காட்சி ஏதாவது இருந்தால்கூட நிச்சயமாக ஒரு ஒட்டகத்தையாவது அதில் காணலாம்.
