பிரபல கார் லோகோக்களின் பின்னால் மறைக்கப்பட்ட கதைகள்

 

எந்தவொரு தயாரிப்பு அல்லது சேவையைப் பற்றி பேசும்போது முதலில் நினைவுக்கு வருவது அவற்றின் லோகோவாகும் (இலட்சினை).  சில சந்தர்ப்பங்களில் இந்த லோகோக்கள் காரணமாகவே சில தயாரிப்புகள் அல்லது சேவைகள் பிரபலமாகிவிட்டன. அந்த வகையில் சில வாகனங்கள் முதலிடத்தைப் பெறுகின்றன. வாகனங்கள் அவற்றின் பிராண்ட் அல்லது பிராண்ட் பெயர் காரணமாக சந்தையை உருவாக்கிக்கொண்ட ஒரு தயாரிப்பாகும். எனவே இந்த லோகோ அல்லது ஒரு வாகனத்தின் சின்னம் அந்த சந்தையை பாதுகாப்பதில் பெரும் பங்கு வகிக்கிறது. எந்தவொரு வாகனத்தின் பெயரையும் நாம் கூறும்போது, ​​முதலில் நினைவுக்கு வருவது அந்த வகை வாகனத்தின் லோகோவாகும். எனவே ஒரு லோகோவிற்கு பின்னால் உள்ள சில அழகான கதைகளைப் பற்றி தேடினோம். இவற்றில் பல கதைகள் நீங்கள் வெளியில் பார்ப்பதை விட வித்தியாசமானதாக இருக்கும்.

 

Audi

நாம் அறிந்தவகையில் Audi காரில் இன்டர்லாக் ரிங் அல்லது 4 ரிங் போன்ற லோகோ உள்ளது. இந்த நான்கு மோதிரங்கள் ஒரு வாகனத்தின் நான்கு சக்கரங்களை அடையாளப்படுத்துவதாக சிலர் நினைக்கிறார்கள். மற்றவர்கள் இந்த நான்கு மோதிரங்கள் ஒலிம்பிக் மோதிரங்களுடன் தொடர்புடையவை என்று கூறுகிறார்கள். ஆனால் இந்த லோகோவின் பின்னால் உள்ள உண்மையான கதை இதுதான்.

இந்த Audi நிறுவனம் ஓகஸ்ட் ஹார்ச் என்ற நபரால் 1909 இல் தொடங்கப்பட்டது. 1932 ஆம் ஆண்டில் நிறுவனம் அதன் பெயரை Audi என்று மாற்றியது. ஓகஸ்ட் ஹார்ச்சின் பெயரில் உள்ள ஹார்ச் என்றால் ஜெர்மன் மொழியில் “கேளுங்கள்” என்று பொருள். “கேளுங்கள்” என்ற அதே வார்த்தையின் அர்த்தம் லத்தீன் மொழியில் Audi. இப்படித்தான் இந்த பெயர் வந்தது. இந்த பெயர் மாற்றத்துடன் Audi 4 நிறுவனங்களுடன் இணைந்துகொண்டது. அதைக் குறிக்கவே 4 வளைய சின்னம் பயன்படுத்தப்படுகிறது.

 

Hyundai

ஹூண்டாய் என்பது தென்கொரியாவில் தயாரிக்கப்படும் வாகனம். இதன் பெயர் H எழுத்துடன் தொடங்குவதால் அதன் லோகோ எங்களுக்கு ஒரு எச் போல் தெரிகிறது. இந்த லோகோவிற்கும் இதுவே பயன்படுத்தப்படுகிறது என்று பலர் நினைக்கிறார்கள். ஆனால் இந்த லோகோவில் எச் எழுத்துக்கு அப்பாற்பட்ட மற்றொரு அடையாள அர்த்தம் உள்ளது. இரண்டு பேர் கைகளைப் பிடித்து நட்பை வெளிப்படுத்துவதை இது சித்தரிக்கிறது. ஒன்று நிறுவனத்தையும் மற்றொன்று வாடிக்கையாளரையும் குறிக்கிறது. இந்த ஹேண்ட்ஷேக் இருவருக்கும் இடையிலான நம்பிக்கையையும் திருப்தியையும் குறிக்கிறது. மேலும், அதைச் சுற்றியுள்ள ஓவல் வடிவம் உலகளாவிய வரம்பைக் குறிக்கிறது.

 

Mazda

மஸ்டா என்பது இலங்கையில் நன்கு அறியப்பட்ட ஒரு வாகன வகையாகும். இது நாம் அனைவரும் அறிந்ததே. இப்போது நாம் காணும் மஸ்டா லோகோ ஒரு சின்னம். அது அவ்வப்போது மாறிவிட்டது. தற்போதைய லோகோ எம் எழுத்தை சித்தரிக்கிறது. mazda நிறுவனத்தின் வாசகமான “flight toward the future” என்பதை சித்தரிப்பதற்காகவே அதில் உள்ள அந்த எம் எழுத்து, வளையத்தை தாண்டி சற்றே வெளியே சென்றுள்ளது.

 

Mercedes-Benz

மெர்சிடிஸ் பென்ஸ் ஒரு நீண்ட வரலாற்றைக் கொண்ட ஒரு நிறுவனம் மற்றும் அதன் சின்னம் முன்பு இருந்ததைவிட வித்தியாசமானது. பார்ப்பதற்கு மூன்று துருவங்களை கொண்ட நட்சத்திரம் போல் இருக்கும் இந்த லோகோவில் சித்தரிக்கப்படும் விடயங்கள், பூமி, கடல் மற்றும் வானம் முழுவதையும் குறிக்கின்றன. மேலும் இந்த நிறுவனம் முழு உலகத்தையும் ஆதிக்கம் செலுத்துவதாகவும் வெளிப்படுத்துகிறது.

 

Toyota 

டொயோட்டா இலங்கையில் மிகவும் பிரபலமான மற்றும் மிகவும் விரும்பப்படும் வாகனங்களில் ஒன்றாகும். இந்த டொயோட்டா லோகோவைப் பற்றி மக்கள் வெவ்வேறு கதைகளைச் சொல்கிறார்கள். இந்த வாகனம் ஜப்பானில் தயாரிக்கப்படுவதால் அந்த நாட்டின் விவசாய மற்றும் மத பின்னணியுடன் சேர்ந்ததால், கிண்ணத்திற்குள் ஒரு நெல் விதை இருப்பதாக சிலர் கூறுகிறார்கள். ஆனால் இதுவே டொயோட்டா சின்னத்தின் உண்மையான கதை, லோகோவின் நடுவில் உள்ள இரண்டு ஓவல் வடிவங்கள் நிறுவனம் மற்றும் வாடிக்கையாளரைக் குறிக்கின்றன. இரண்டையும் ஒருவருக்கொருவர் மேல் இணைப்பது இரு தரப்பினருக்கும் இடையிலான தொடர்பைக் காட்டுகிறது. டொயோட்டா அதன் 50ஆவது ஆண்டு நிறைவைக் குறிக்கும் வகையில் புதிய லோகோவை 1989 இல் வெளியிட்டது.

 

 Ferrari

ஃபெராரி ஒரு சொகுசு கார் தறிக்கும் நிறுவனம் என்பது நாம் அனைவரும் அறிந்ததே. மேலும், அதன் சின்னம் நாம் இதுவரை பேசிய லோகோவிலிருந்து சற்று வித்தியாசமானது. இந்த வாகனம் இத்தாலியில் தயாரிக்கப்பட்டுள்ளது. மற்றொரு குதிரையின் சின்னத்தால் வாகனத்தின் சின்னம் இவ்வாறு உருவாகிறது. Count Francesco Baracca முதலாம் உலகப் போரின்போது பிரபல இத்தாலிய விமானியாக இருந்தார். இத்தாலியர்கள் அவரை ஒரு தேசிய வீரராகவே கருதுகின்றனர். இந்த குதிரை அவரது விமானத்தின் பக்கத்தில் குறிக்கப்பட்டுள்ளது. எனவே இதன் அடிப்படையில் இந்த வாகன பிராண்டின் லோகோ வடிவமைக்கப்பட்டுள்ளது.

 

 Mitsubishi

மிட்சுபிஷி எங்களுக்கு மிகவும் பரீட்சயமான வாகன நிறுவனமாகும். இந்த மிட்சுபிஷி வாகனத்தின் சின்னம் ஒரு நீண்ட வரலாற்றைக் கொண்ட மூன்று வைர அடையாள சின்னமாகும். 1870ஆம் ஆண்டில் இந்த நிறுவனம் நிறுவப்பட்டபோது, ​​அதன் நிறுவனர் யடாரோ இவாசாகி, இரண்டு சந்ததியினரின் சின்னங்களால் ஆன லோகோவைப் பயன்படுத்த முடிவு செய்தார். தோசா வம்சத்தின் முதல் சின்னம், மூன்று ஓக் இலைகள் மற்றும் இவாசாகி குடும்பத்தின் மூன்று அடுக்கு நீர் செஸ்னட் இலை சின்னம் ஆகியவற்றின் கலவையாகும். இது 1914இல் சிறிய மாற்றங்களின் பின்னரே பதிவு செய்யப்பட்டது.