ஈ-புக்ஸ் அதாவது இணைய நூல்களை வாசிப்பது பற்றிய கலந்துரையாடல் நீண்ட காலமாக காணப்படுகின்றது. இணைய நூல்களால் ஏனைய புத்தகங்கள் அழிந்துபோகும் வாய்ப்புள்ளதென்பது நூல்களை கையில் தொட்டு வாசிப்பவர்களின் விவாதமாக உள்ளது. குறிப்பாக புத்தக வாசகர்களுக்காக உருவாக்கப்பட்ட பேஸ்புக் குழுக்களில்கூட இதுபற்றிய வாத பிரதிவாதங்கள் இடம்பெறுகின்றன.
ஆனால் இணைய நூல்களுக்கு எதிராக வாதிடும் பலருக்கு அதுபற்றிய சரியான யோசனையோ அனுபவமோ இல்லை என்பதே இதற்கு காரணம். எனவே, இணைய வாசிப்பாளர்களுக்கு எதிர்ப்பு தெரிவிப்பதற்கு முன்னர் இணைய நூல்களைப் பற்றி இன்னும் சிறிது அறிந்து கொள்ளுங்கள். இணைய நூல்களுக்கு எதிரான கருத்துக்கள் சில நேரம் மாறலாம். குறிப்பாக இந்த கொரோனா காலத்தில் இணைய நூல் மிகவும் பிரயோசனமாக அமைந்துள்ளதை காணலாம்.
PDF இல்லையா?
இணைய நூல்களை படிக்கும் குழுக்களில் அடிக்கடி கேட்கப்படும் ஒரு வார்த்தை இதுவாகும். ஒரு புத்தகத்தைப் பற்றி பேசும்போது அதன் PDF இருக்கிறதா என்று கேட்பார்கள். நிச்சயமாக, PDF வடிவத்திலும் இணைய நூல்கள் உள்ளன. ஆனால் இணைய நூல்கள் அனைத்தும் PDF வடிவானது அல்ல. குறிப்பாக, PDF வடிவ புத்தகம் என்பது புத்தகத்தின் ஆசிரியர் அல்லது வெளியீட்டாளரின் அனுமதியின்றி நகலெடுக்கப்பட்டு விநியோகிக்கப்படும் இணைய நகலாகும். இவை பெரும்பாலும் நூல்களின் பக்கங்களை புகைப்படங்களாக எடுத்து உருவாக்கப்படுகின்றன. எனவே தரத்தில் பின்தங்கி இருக்கும். நீங்கள் அதை ஸ்மார்ட்போன் அல்லது கணினியிலிருந்து படிக்க வேண்டும். எனவே படிக்க அசௌகரியமாக இருப்பதால், இணைய நூல்கள் என்பது PDF தான் என்று நினைக்கும் மக்கள், இணைய நுல்கள் மோசமானவை என்று ஒரு சமூக கருத்தை உருவாக்குவதில் ஆச்சரியமில்லை.
இணைய நூல்களை பயன்படுத்துவதன் நன்மைகள்!
இணையத்தில் காணப்படும் நூல்களை வாசிப்பவர் ஒரு நூலகத்தையே சேமித்து வைக்க முடியும். வேண்டிய இடங்களுக்கு கொண்டுசெல்லலாம். அதற்கென தனியாக இடம் தேவையில்லை தூக்கி சுமக்கவும் அவசியம் இல்லை. இரவில்கூட படிக்கக்கூடியது. ஆனால் கண்ணை பாதுகாத்துக்கொள்ளுங்கள். இதற்கு மேலதிகமாக, அட்டை நூல்களை போலல்லாமல் காலத்திற்கும் அழியாமல் வைத்திருக்கலாம். எந்த நூலையும் தேடவும் கண்டுபிடிக்கவும் எளிதாக இருப்பதோடு வாசிக்கும் நூலில் உள்ள எங்கள் சிறு குறிப்புகள் அல்லது கருத்துகளையும் குறிப்பிடும் இணைய நூல்கள்கூட உள்ளன. இணைய நுல்கள் சூழலுக்கு நட்பானது என்பதை மறந்துவிடாதீர்கள். மறைமுகமாக, இது ஒரு சிக்கலான கதை என்றாலும் புத்தகங்களை உருவாக்க நீங்கள் மரங்களை வெட்ட வேண்டும் என்று கூறும் கருத்தும் பொய் அல்ல.
ஈ- இங்க் டிஸ்ப்லே
இணைய நுல்களைப் பற்றிய மோசமாக பேசும் பலர் தொலைபேசி, கணினி அல்லது டெப்களில் மின்புத்தகங்களைப் படிப்பது கண்ணிற்கு பாதுகாப்பது என்று கூறுகிறார்கள். நாம் இன்று இரண்டு விடயங்களை பற்றி கவனம் செலுத்த வேண்டும். ஒன்று. இப்போது, மக்கள் தங்கள் தொலைபேசிகளிலோ கணினிகளிலோ மின்புத்தகங்களைப் படிக்கவில்லை என்றாலும், அவர்கள் அந்த சாதனங்களைப் பார்த்துக் கொண்டிருக்கும் நேரத்தை குறைப்பதில்லை. எனவே இங்கு விடயம் என்னவென்றால், அவற்றிலிருந்து இணைய நூல்களை படித்தாலும் படிக்காவிட்டாலும் செட்டிங்கிற்குள் கண்களுக்கு பாதுகாப்பாக இருப்பதாக இருக்குமா என்பதை உறுதிப்படுத்திக் கொள்ளுங்கள்.
தொலைபேசி, கணினி போன்றவற்றில் ஓரளவிற்கு மேலாக இணைய நுல்களைப் படிப்பது மிகவும் கடினம். கண்களுக்கும் அவ்வளவு நல்லதல்ல. அதனால்தான் ஈபுக் ரீடர்ஸ் உள்ளன. இந்த புத்தக வாசகர்களின் சிறப்பம்சம் என்னவென்றால், இவை கறுப்பு மற்றும் வெள்ளை டிஸ்ப்லே கொண்ட ஈ-இங்க் எனப்படும் டிஸ்பிலேவை கொண்டுள்ளன. இது ஒரு நூலின் தாள் போன்றது. சில நேரங்களில் இது உண்மையான நூலின் தாளை விட கண்களுக்கு ஆரோக்கியமாக இருக்கும். ஒரு ஈபுக் ரீடரின் இந்த டிஸ்ப்லேயை அனுபவித்த எவரும் ஈபுக் ரீடர்களை எதிர்ப்பதில்லை.
உணர்வும் வாசனையும்
இந்த இணைய நுல்களை எதிர்க்கும் கூட்டத்திற்கு இருக்கும் மிகப்பெரிய பிரச்சினைதான் இது. ஒரு புத்தகத்தின் பக்கங்களைத் திருப்பும்போது கிடைக்கும் உணர்வும் வாசனையும்தான் புத்தகத்திற்கும் அதனை வாசிக்கும் வாசகனுக்கும் இடையிலான உணர்வை காலத்திற்கும் பேணக்கூடிய காதல் உறவாகும். வேறு வார்த்தைகளில் கூறுவதானால், ஒரு புத்தகத்தைப் போல வாசனை இல்லாத ஒரு ஈபுக்கை படிப்பது அதன் உள்ளடக்கங்களை புரிந்து கொள்ள முடியாது என்று அர்த்தமல்ல. எனவே நீங்கள் இதைப் போன்ற ஏதாவது செய்யலாம். நாவல்கள், சிறுகதைகள், புனைகதை அல்லாத அல்லது புனைகதை கொண்ட புத்தகங்களை நீங்கள் படிக்க விரும்பினால், நீங்கள் ஒரு ஈபுக் ரேடாரில் படிக்கும் போது புத்தகத்தின் பக்கங்களைத் தொட்டு, புத்தகத்தின் பக்கங்களுக்கு இடையில் அதை வைத்து வாசிக்கும்போது அதன் வாசனை வீசுவதன் மூலம் நீங்கள் வேடிக்கையான வழியில் படிக்கலாம்.
இழப்பு ஏற்பட்டால் நூலகத்திற்கே செல்லவேண்டும்
இது உண்மையிலேயே சாத்தியமான பிரச்சினையாகும். இப்போது மேலே உள்ள இணைய நுல்களின் நன்மைகள் பற்றி நாங்கள் பேசிய பிரிவில், ஒரு முழு நூலினைப் போல ஒரு ஈபுக் ரீடரை எடுத்துச் செல்ல முடியும் என்று குறிப்பிட்டோம். ஆனால் சாத்தியமான எழுச்சிகளில் ஒன்று, ரேடாரில் எதாவது பழுது ஏற்பட்டு விட்டால் அல்லது உடைந்து விட்டால் ஈபுக் ரீடரில் இருந்த முழு நூலகத்தையும் இழக்க நேரிடும். இப்போது அமேசனிலிருந்து வாங்கிய ஈபுக்ஸ் என்றால் அந்தப் பிரச்சினை இல்லை. அவை கின்டெல் மற்றும் அமேசான் கிளவுட்களில் பாதுகாப்பாக இருக்கும். எந்த நேரத்திலும் அதை வேறு சாதனத்திற்கு கொண்டு வரலாம். ஆனால் டவுன்லோட் செய்யப்பட்ட பிற ஈபுக்ஸ் என்றால் இந்த சிக்கலை ஏற்படுத்தும்.
ஆனால் ஒரு எளிய தீர்வு இருக்கிறது. காப்புப்பிரதியை அதாவது அவற்றை backup செய்து வைத்திருங்கள். பதிவிறக்கம் செய்யப்பட்ட நூல்களை உங்கள் கம்பியூட்டரில் backup ஆக வைத்திருங்கள். நீங்கள் விரும்பினால், அதை மற்றொரு பென்ட்ரைவ்-இல் நகல் எடுத்து வைத்துக்கொள்ளவும்.
அனைத்திலும் படிக்க முடியாது
அனைத்து சாதனங்களிலும் இலகுவாக இணைய நுல்களைப் படிக்க முடியாமல் இருப்பது ஒரு சிறிய பிரச்சினையாகும். குறிப்பாக ஒரு ஈபுக் ரீடர் இல்லாத ஒருவருக்கு இது சிக்கலாக இருக்கலாம். இதில் முதலாவது நீங்கள் ஒரு ஈபுக் ரீடருக்கு பணத்தை செலவு செய்ய வேண்டுமா என்பது மற்றொரு பிரச்சினை. இன்று நீங்கள் கடையில் வாங்கும் புத்தகத்தை விட இருபது மடங்கு அதிகமாக அவற்றிற்கு செலவாகலாம். அது இணைய நுல்களைப் படிப்பதில் இருந்து மக்களை விலக்கும் செயற்பாடாகும். நாங்கள் பரிந்துரைக்கவில்லை என்றாலும், ஒரு பெரிய ஸ்மார்ட்போன் அல்லது ஒரு டெப்பில், ஒரு பெரிய திரையில் கூட இணைய நுல்களைப் படிக்க ஒரு அப்ளிகேஷனை டவுன்லோட் செய்யலாம். மேலும் நைட்மூட், ப்ளூ பில்டர் போன்ற திரையை எளிதாகக் காணக்கூடிய செட்டிங்களுடன் மின்புத்தகங்களை இயக்கி நீங்கள் படிக்கலாம். இது ஒரு ஈபுக் ரீடரில் படிப்பது போல் ஆரோக்கியமானதல்ல. ஆனால் அதில் எந்த தவறும் இல்லை.
இலவச நூல்கள் உள்ளன
மேலே உள்ள ஈ-புக் பற்றி நல்லதாக கூறிய பிரிவில் இதனை சொல்ல மறந்திருந்தால் இதை இங்கு தெரிந்து கொள்ளுங்கள். இணைய நுல்களை படிப்பதன் நன்மை என்னவென்றால், நீங்கள் நிறைய புத்தகங்களை இலவசமாகக் காணலாம். ஒரு எளிய உதாரணத்தை எடுத்துக் கொள்வோம். இப்போது நாம் பழைய நூல்களை பழைய நூல்கள் விற்கும் கடையில் குறைந்த விலையில் வாங்குகிறோம். அதற்கு ஒரு குறிப்பிட்ட விலையை நாம் செலுத்த வேண்டும். ஆனால் குட்டன்பெர்க் போன்ற ஈபுக் வலைத்தளங்களில், பதிப்புரிமை பெற்ற மற்றும் காலாவதியான புத்தகங்களை ஒரு ரூபாய் கூட செலுத்தாமல் டவுன்லோட் செய்யலாம். அவற்றை நண்பர்களிடையே பரிமாறிக் கொள்ளலாம். அந்த நன்மை மிகவும் மதிப்புமிக்கது.
மொழி பிரச்சினை
இது இலங்கையில் எங்களுக்கு எழும் ஒரு பிரச்சினை. கின்டெல் போன்ற ஈபுக் ரீடர்கள் கூட ஆங்கில மொழியை மட்டுமே ஆதரிக்கிறார்கள். தமிழ் இப்போது நம் கணினிகள் மற்றும் ஸ்மார்ட்போன்களில் ஒரு அப்ளிகேஷனாக இருந்தாலும், அது இன்னும் ஈபுக் ரீடர்களுக்குள் வரவில்லை. இருப்பினும், தமிழ் மொழியில் வெளியிடப்பட்ட மின்புத்தகங்கள் இன்னும் குறைவாகவே உள்ளன. நீங்கள் விரும்பினால் ஒரு தமிழ் புத்தகத்தை ஸ்கேன் செய்யலாம் அல்லது புகைப்படம் எடுத்து உருவாக்கிய PDF ஐப் படிக்கலாம். ஆனால் முதலில் இது ஒரு நல்ல அனுபவமாக இருப்பதல்ல என்பதைப் பற்றி பேசினோம். எனவே நீங்கள் மின்புத்தகங்களைப் படிக்கும்போது மொழிப் பிரச்சினை வரும்.
இணைய நூல் ஏனைய நூல்களுக்கு ஆபத்தா?
உண்மையில், இது ஒரு பகுத்தறிவற்ற தவறான பயம். அனுபவத்திலிருந்து நாம் கண்டது என்னவென்றால், உண்மையில் இணைய நூல்களை பயன்படுத்துபவர்கள் தமக்கு மிகவும் பிடித்த நூல்களை பணம் செலுத்தி வாங்குகிறார்கள். புத்தகங்களை சேகரிக்க விரும்பும் நபர்கள் பெரும்பாலும் ஈ-புக் ரீடர்களின் மூலம் ஒரு புத்தகத்தை எளிதாகப் படிப்பார்கள். ஆனால் அவர்கள் புத்தகத்தின் அசல் நகலையும் தங்கள் நூலகத்தில் சேர்க்கிறார்கள். அதனால்தான் இணைய நூல்களினால் புத்தகங்கள் அழிந்து போவது போன்ற விடயங்களைப் பற்றி பெரிதும் கவலை படத்தேவையில்லை.
இணைய நூல்கள் மற்றும் ஈ-புக் ரீடர்கள் உண்மையில் ஒரு மோசமான விடயம் அல்ல என்பதை இப்போது புரிந்துகொள்ள முடியும். உண்மையான புத்தகங்கள் உலகில் இருந்து மறைந்துவிடப் போவதில்லை என்பதையும் இப்போது ஈபுக் எதிர்ப்பு வாசகர்கள் புரிந்து கொள்ள வேண்டும். எனவே, நாம் செய்ய வேண்டியது மேலே குறிப்பிட்டுள்ள விடயங்களின் சமநிலையை வைத்து புத்தகங்களைப் படிப்பதுதான்.
