விசித்திரமான காரணங்களுக்காக விவாகரத்து செய்துகொண்ட தம்பதிகள்

 

விவாகரத்து என்பது இன்று மிகவும் பொதுவானதாகி வருகிறது. தம்பதியரின் விவாகரத்துக்கு பல காரணிகள் காரணமாக இருக்கலாம். எனினும், இந்த கட்டுரையின் நோக்கம் விவாகரத்துக்கான காரணங்களை பகுப்பாய்வு செய்வதல்ல, மாறாக சில கடினமான விடயங்களை கூறுவதாகும். இந்த விசித்திரமான காரணங்களைப் பற்றி நீங்களும் தெரிந்துகொள்ளுங்கள்.

 

ஆண்குறி பெரியதாக இருந்ததால் விவாகரத்து

ஆயிஷா தனுபாவா நைஜீரிய நாட்டு மூன்று குழந்தைகளின் தாய். முதல் திருமணம் தோல்வியடைந்த பிறகு, ஆயிஷா மற்றொரு திருமணத்திற்காக ஒருவரை தேர்ந்தெடுத்தார். அலி மைசினாரியை திருமணம் செய்து கொண்ட ஆயிஷா, தனது திருமண வாழ்க்கையில் வெறுமனே ஒரு வாரம் மாத்திரமே கழித்தார். அதன்பின்னர் அலியிடம் விவாகரத்து கேட்கின்றார். காரணத்தை கூற சற்று சங்கடமாக இருந்தாலும் கூறியே ஆகவேண்டும். அலியின் ஆண்குறி அசாதாரணமான அளவிற்கு பெரியதாம். இதன் காரணமாக இவரது செக்ஸ் அனுபவம் மிகவும் வேதனையாக இருந்தது என்றும், இறுதியில் அந்த காரணத்திற்காக விவாகரத்து பெற்றுக்கொண்டதாகவும் குறிப்பிட்டார்.

 

மேக்கப் காரணமாக விவாகரத்து

34 வயதான அரபு மனிதர் 28 வயதான அழகான பெண்ணை மணக்கிறார். திருமணத்திற்குப் பிறகு, அவர்கள் தேனிலவை கழிக்க துபாய் நகரத்தைத் தெரிவு செய்கின்றனர். அங்கே இருவரும் கடலில் குளித்து வேடிக்கை பார்க்கிறார்கள். ஆனால் பின்னர் எதிர்பாராத ஒன்று நடக்கிறது. தனது மனைவியின் மேக்கப் கடல் நீரில் கழுவபட்டதும் அவரை அடையாளம் காண முடியவில்லை. அவர் பல்வேறு வகையான அழகுசாதனப்பொருட்கள் மூலம் நடிப்பதன் மூலம் தன்னை ஏமாற்றிவிட்டார் என்று கூறினார். திருமணத்திற்குப் பிறகு தனது மேக்கப் பற்றி தனது கணவரிடம் கூற தீர்மானித்ததாக கூறி விவாகரத்தைத் தடுக்க பெண் முயற்சித்தும் அது வெற்றிபெறவில்லை.

 

பதிலளிக்காததற்காக விவாகரத்து

2017ஆம் ஆண்டில், தாய்வானில் இருந்து ஒரு விசித்திரமான விவாகரத்து அறிவிக்கப்பட்டது. ஒரு தாய்வானிய பெண் தனது வாட்ஸ்அப் மெசேஜ்களுக்கு பதிலளிக்காததால் கணவரிடமிருந்து விவாகரத்து பெற்றார். கணவர் அவ்வப்போது மனைவி அனுப்பும் செய்திகளை புறக்கணித்துள்ளார். அவர் அவற்றைப் படித்தாலும் பதிலளிப்பதில்லை. கடைசியாக, ஒரு கார் விபத்து குறித்து மனைவி கணவருக்கு செய்தி அனுப்பினார். கணவர் அதற்கும் பதில் சொல்லவில்லை. இந்த வழக்கில், மனைவியின் பொறுமை மீறி, கணவரிடம் விவாகரத்து கோரி அதில் வெற்றியும் பெற்றார்.

 

 குளிக்காததால் விவாகரத்து

இது ஒரு விசித்திரமான மற்றும் நியாயமற்றதொன்று என்றும் கூற முடியும். எகிப்திய தம்பதியரான ஐசர் அலி மற்றும் யாரா ஆகியோர் காதலித்து விரைவில் திருமணம் செய்து கொண்டனர். திருமணமான சுமார் இரண்டு மாதங்களுக்குப் பிறகு, ஐசர் ஒரு விசித்திரமான வெளிப்பாட்டை வெளியிடுகிறார். அதாவது, அவர்கள் சரும நிலையில் அவதிப்படுவதால் அவருக்கும் தண்ணீருக்கும் ஒவ்வாமை ஏற்பட்டுள்ளது. எனவே அவர் ஒருபோதும் குளிக்க மாட்டார் என்று கூறினார். பின்னர் இதைப் பற்றி யாரா ஒரு உண்மையை கண்டுபிடித்துள்ளார். ஐசர் ஒரு தோல் நோயால் பாதிக்கப்படுகிறார் என்பது உண்மைதான் என்றாலும், அவர் நீரினால் பாதிக்கப்படவில்லை என்பது தெரியவந்துள்ளது. வாழ்க்கையிலேயே குளிக்காத ஒரு மனிதனுடன் தன்னால் வாழ முடியாது என்று யாரா கூறி பின்னர் விவாகரத்து பெற்றார்.

 

அதிக சுத்தமும் விவாகரத்து தரும்!

கணவர் அழுக்காக இருந்ததால் விவாகரத்து செய்த ஒரு பெண்ணைப் பற்றி நாங்கள் முன்பு குறிப்பிட்டோம். கணவர் மிகவும் சுத்தமாகவும் நேர்த்தியாகவும் இருப்பதால் விவாகரத்து செய்யும் ஒரு பெண்ணைப் பற்றியதே இச்செய்தி. ஜெர்மனியில் வசித்து வந்த இந்த தம்பதிக்கு திருமணமாகி 15 ஆண்டுகள் ஆகின்றன. இந்த குடும்பத்தின் கணவர் வீட்டை சுத்தமாகவும் நேர்த்தியாகவும் வைத்திருக்க நிறைய நேரம் செலவிடுகிறார். அதிகமாக இருந்த இந்த பழக்கம் படிப்படியாக மனைவிக்கு ஒரு தொல்லையாக மாறியுள்ளது. எனவே, மோதல்கள்கூட ஏற்பட்டுள்ளன. ஒரு நாள், கணவர் தனது வீட்டில் ஒரு சுவரை உடைத்து அதை மீண்டும் கட்டுவதற்கு தீர்மானித்தார். சகிப்புத்தன்மை எல்லைமீறிச் சென்ற மனைவி இறுதியில் விவாகரத்து பெற்றார்.

 

டிரம்ப்பினால் பிரிந்த குடும்பம்

உலகை உலுக்கிய அமெரிக்காவின் ஜனாதிபதி டொனால்ட் டிரம்ப் இப்போது ஜனாதிபதியாக இல்லை. ஆனால் டிரம்ப் முதன்முதலில் ஜனாதிபதியானபோது, ​​22 வருட வெற்றிகரமான திருமணம் அவரால் விவாகரத்தில் முடிந்தது. 73 வயதான ஓய்வுபெற்ற சிறை அதிகாரி கெய்ல் மெக்கார்மிக், தனது அன்புக் கணவர் அவரது அன்புக்குரிய ஜனநாயகக் கட்சிக்கு அல்லாமல் டொனால்ட் டிரம்பிற்கு வாக்களிப்பதை அறிந்திருக்கிறார். இதனால் கோபமடைந்த அவர், தன் கணவனது துரோகத்தை தாங்க முடியாமல் உடனடியாக விவாகரத்து பெற்றார்.

 

பழமையான விவாகரத்து

77 வருட திருமண வாழ்க்கையை பற்றி நீங்கள் எப்படி உணர்கிறீர்கள்? எளிதானது அல்ல, இல்லையா? வெற்றிகரமான திருமணத்தை பெற்ற தம்பதியினர் இத்தாலியில் வசித்து வந்தனர். இந்த தம்பதியின் கணவருக்கு 99 வயது. மனைவிக்கு 96 வயது. அவர்களுக்கு 5 குழந்தைகள் மற்றும் பல பேரக்குழந்தைகள் இருந்தனர். இருப்பினும், இந்த குடும்பத்தின் கணவர் தனது 77 வருட திருமணத்தை முடிக்க முயற்சிக்கிறார். இதற்குக் காரணம், சுமார் 60 ஆண்டுகளுக்கு முன்பு, கணவர் தனது மனைவி வேறு ஒரு ஆணுக்கு எழுதிய சில காதல் கடிதங்களை கண்டுபிடித்தார். இதனால் மனமுடைந்த கணவர், மனைவியிடமிருந்து விவாகரத்து கோருகிறார். இந்த விவாகரத்து கிடைத்தால் இவர் என்ன செய்வார் என்பது இந்த நேரத்தில் தெரியவில்லை. விவாகரத்து கிடைத்தால், இது உலகின் மிக வயதான தம்பதியர் பெற்றுக்கொண்ட விவாகரத்து என வரலாற்றில் இடம்பிடிக்கும்.